لعبه الصراحه ؟؟؟؟؟؟؟؟

اللعبه دى زى لعبة الصراحه هى عباره عن سؤال واللى هيجاوب يجاوب بصراحه ولو مش عايز يجاوب يقول باص بس هتحكم عليه حكم

انا هبدأ ايه معنى الحب بلنسباك ؟؟؟؟؟؟؟؟؟؟؟؟ flower

الحب : فرصة ليصبح الإنسان أفضل وأجمـل وأرقـى

*****
الحب : ليس عاطفــة ووجدانــاً فقط إنما هو طاقة ـ وإنتــاج

*****

الحب : هو أعظم مدرسة يتعلم كل عاشق فيها لغة لا تشبهها لغة أخرى

الحب : مثل أي لعبة يمارسها اثنـان … في نهايتهما : أحدهما يربح … والآخر يخسر

*****
الحب : تجربة وجودية عميقة تنتزع الإنسان من وحدته القاسية الباردة لكي تقدم له حرارة الحياة المشتركة الدافئة

اية الحاجة الى عملتوها وبعد ما عملتوها ندمتووو عليهاااااااااااااااااااااااااااااااا ؟؟؟؟؟؟؟؟؟؟؟ ياريت يكون رد صريح بدون (هظار)

حصل حاجه النهارده وبعد ماعملتها ندمت جدا، ان فى الشركه اللى انا فيها الجرس رن بتاع الباب، وكنت انا لوحدى فى الشركه لان كان فى مشكله فى النت وكنت بظبطها، المهم لما فتحت الباب لاقيت الراجل بتاع النور وبيقولى الشقه دى متسجله عنده منزل مش مكتب، وللاسف عملنا محضر وكل ده بسببى علشان فتحت الباب.

سؤالى للعضو اللى بعدى:
ايه رأيك فى البنات ؟

احلي حاجه في النيا محدش يقدر يعيش من غير امة
وبعد كدة اخته
وبعد كدة زوجته
وبعد كدة بنته
كل دول بنات يبقي البنات احلى حاجه في الدنيا

سؤالي هو في الزمن اللي احنا فيه دة ياتر ي لسة في حب بجد ولا خلاص كدة زمن الحب انتهى

سلامو عليكو، ازيك يا مصطفى، وردا على سؤالك: اكيد طبعا فى حب بجد وحب حقيقى ووله واشواق وكل الكلام ده بس يمكن بنسب مختلفه وقليله بحكم المشاغل وعصر السرعه زى مبيقولو والناس فعلا همومها واشغالها ومشاكلها مش مخليا حد يعرف يعمل حاجه يعنى بالمختصر مافيش راحه بال تخليك سعيد وبتعمل اى حاجه بنفس وتعملها صح، ربنا بجد يكون فى عون الناس

س: تعمل ايه لو فجاءه قابلت حبيبك فى الشارع وكان ماشى مع حد تانى ؟

انا مش عارفه هعمل إيه بس
يعنى مش هعبره ولا كأنى شوفته
وطالما بعنى خاين يبقى بلاش منه
(اللى يبعنى عمرى ما ابكى عليه واللى يشترينى ابيع حياتى واشتريه )

خلى بقى اللى ماشى معاها تنفعه
بس الصراحه مش عارفه هعمل إيه لأن انا مش عارفه لأنى ما مرتش بالموقف ده
ويا رب ما حدش يمر بيه

حبيت قبل كده ولا لأ ؟ وإيه اللى اتعلمته من حبك ده ؟ يا ترى فشلت ولا نجحت ؟

بلاش ضرب Very Happy

لا من غير ضرب ولا حاجه، اكيد حبيت قبل كده وكتييييييييييير كمان لكن مش بيحصل نصيب ونكمل حتى لو علاقه الحب اتحولت لارتباط رسمى برضه مش بنكمل يعنى بيطلع عفريبت فى كل مره وتتفركش الجوازه، لكن ايه اللى اتعلمته، بصراحه ولا حاجه يعنى عادى مافيش جديد قبل وبعد التجربه هيا هيا الدنيا وانا هوه انا، وان شاء الله الجاى افضل واحسن

س: عندك كام سنه، وهل شكلك وتصرفاتك بتدل على سنك ولا فى اختلاف ؟

20 سنة لا فى اختلاف لان انا مريت بحجات كتير اتعلمت منها حجات اكبر من سنى
لان احنا فى زمن الواحد بيتعلم من اخطاءة ومش اخطاءة هو وبس واخطاء الناس الى يعرفها كمان
بس

س: اية الموضوع الى شد تفكيريك وكنت حاسس ان انت صح وبعدين لقيت نفسك غلط وندمت ان انت فكرت فية ؟؟؟؟؟؟؟

لما فكرت اني ارجع لإنسانه حبيتها وبيعت كل الدنيا واشتريتها وهي في الآخر باعتني علشان واحد صاحبي يلا ربنا يوفقهم ... والحمدلله كن تالسبب انهم يبقوا مع بعض ويقولوا لبعض بحبك

لو بتحب حد وحسيت ان قلبك مع حبيبك القديم تفتكر يبقي ده حب ؟؟؟؟

هو انا ابقى حبيت علشان انسى الحب القديم مش اكتر يعنى مش حب فى الأنسان نفسه

وطالما لقيت نفسى ما نسيتش اكيد هتحاول بقى تنسى الأتنين القديم والجديد

مش عارفه اقولكوا سؤال إيه
ممممممممممممم
طيب

نفسك تقول إيه لأى عضو فى المنتدى ومين هو ؟

نفسى اقول لكنسول بلاش تعذب نفسك و نانى رتيت عليك
شوف نفسك بقى شويا اخرج من الجو الى انته فيه
الله اعلم بكره مخبيلنا ايه

سؤالى تفتكر الى يحب حد وبيخاف عليه وقرار انه يسيبه لمصلحته هوه يبقى كده ظالم وأنانى ؟؟؟؟؟؟؟؟

لا يا ساسو ميكونش ظالم ولا اناني

بس اعتقد انه ممكن يندم بعد كده

مفيش اسأله

مدام مافيش سؤال، أسأل انا

س: تقدر تتكلم عن نفسك شويه، ولو اتكلمت هتقول ايه ؟

برده ما حدش عايز يرد على السؤال الصعب ده
هو انا كل مرة
ماشى

انا نانى
اولى ثانوى

لو الوحش فيا يبقى العند ومش بعرف اسيب حد او انساه حتى لو خانى او جرحنى سواء اصحابى او اى حد حبيته يعنى

مش بحب ازعل من حد او ازعل حد

بس بقى كفايا كده وهبقى اجيبلكوا البطاقه السنه الجايه

إيه اكتر موقف حسيت فيه بالإحراج ؟

اكتر موقف محرج: لما رحت اعزى فى عمتى واتارينى رحت فى صوان تانى خالص وداخل بقى على انه عزى عمتى والناس تقولى يابنى عمتك مين، يعنى كان موقف زباله

س: اكتر 5 اكلات بتموت فيها، واكتر 5 اكلات مش بتحبها ؟

صينية البطاطس بالفراخ
المكرونه البشاميل
البيتزا
الملخويه
الفول

اللي مش باكلها بقي
الحوم بانواعها
البيض المسلوق
البط
الارانب
والوز

اكتر خمس ممثلين بتحبهم

احمد عز
عادل امام
احمد حلمى
السقا
ادوارد

س: بتعمل ايه وقت الصيام ؟

يعنى اكيد بنصلى ونقرا قرءان وبرده ببقى على النت

وبصوم بقى

مين العضو اللى نفسك تشوفه ؟ وعضو تانى عايز تقوله نصيحه ؟ وعضو تانى استريحتله اول ما شوفته ؟ وعضو عايز تولع فيه هزار ؟

اللي نفسي اشوفه =هيما
اللي عاوز اقوله نصيحه =محمد
استريحتله اول ماشوفته= انا لسه ماشوفتش حد
اللي عاوز اولع فييييييييييييييييييييييه=هههههههههههههههههههههههههههههههه هو عارف نفسه بقي

ايه هي الحاجه اللي نفسك تحققها من زمان

والله وانا كمان نفسى اشوفك يا مصطفى وأأقعد معاكم واتشرف بيك وهأكله أكله بجد مش تنسانى بسببها ان شاء الله، اللى نفسى أحققه بجد من زمان انى يبقى عندى زوجه واولاد بس ربنا عز وجل لسه مش اراد

س: لو ليك 3 امانى او طلبات، هتطلب ايه ؟

3
امانى او طلبات

اول حاجه اجيب مجموع حلو فى ثانويه

تانى حاجه ادخل كليه اعلام

وبعدين ربنا يرزقنى بإنسان كويس يكون بيحبنى وعارف ربناو مؤدب

بس دول اهم حاجه

قول كلمه او جمله للأنسان اللى بتحبه او كنت بتحبه اوللى هاتحبه ؟

هقوله انى عمرى مهنساك ابدن وانك عايش جوايا

ايه هوه مفهوم الخيانه فى نظرك ؟؟؟؟؟وتعتقد ايه انواعها ؟؟؟؟؟؟والرجل يخون اكتر وله الست ؟؟؟؟؟؟

مش شرط الخيانة تكون من حبيب لحبيبتة او خيانت البيبة للحبيب بردة فى خيانة بين الاصحاب او بين الاقارب وفى نظرى الخيانة معظمها من الشباب

ااية معنى الحب فى نظرك ؟ واية رايك فية ؟

الحب شىء جميل بس لما يبقى حب بجد وانا فى نظرى لو فيه سواء خيانه سواء كدب او حاجه تانى يبقى ما كنش اسمه حبه من الأول

لأن اللى بيمروا بأى تجربه وتفشل او بيتخانه او .. او بيقولوا إن الحب ده اوحش شىء فى الدنيا وليهم حق يقولوا كده

بس يا ريت اللى جرب الحب بجد بكل صدق هو ده اللى يقدر يحكم عليه

وإيه رأيى فيه إنه لما بيبقى حلو بيبقى احلى حاجه فى الدنيا
ولما بيبقى وحش بيبقى عامل زى البحر غدااار
سورى لأنى طولت عليكوا واعدكوا إنى ما اعرفش اعيد الكلام ده تانى Very Happy

يا ترى قبل كده ندمت على صراحتك ؟ وإيه هو الموقف؟